*🎏पोंभूर्णा नगर पंचायतीतील कंपोस्ट खत गेला चोरीला* *🎟️चौकशी करून कठोर कारवाई करण्याची* *🚩उद्या दिनांक १० रोजी पत्रकार परिषद घेणार*

पोंभुर्णा:- तालुका प्रतिनिधी

     पोंभूर्णा तालुक्यातील व्हाईट हाऊस म्हणून ओळखल्या जाणाऱ्या इमारतीतून स्वच्छ आणि निरपेक्ष कार्य व्हायला अपेक्षित असताना मात्र येथे व्हाइट हाउस च्या नावावर ब्लॅक हाऊस म्हणाल तरी वावगे ठरणार नाही अशीच कार्यप्रणाली नगरपंचायतीत सुरू असल्याचे प्रकार आता उघडकीस येऊ लागले आहेत. नगरपंचायत मधील कंपोस्ट खत चोरीला गेल्याचे उघडकीस आले असून या प्रकरणात नवनियुक्त पदाधिकारी यांच्या पतीच्या शेतात काही अधिकारी कर्मचाऱ्यांच्या सहकार्याने हे खत चोरीला गेले असल्याचा प्रकार उघडकीस आलेला आहे. याबाबतीत शिवसेनेने कठोर पावले उचलत उच्चस्तरीय चौकशीची मागणी केली असून उद्या दिनांक 10 मार्च रोजी पत्रकार परिषद घेण्यात येणार असल्याची माहिती शिवसेना तालुका प्रमुख तथा नगरपंचायत सदस्य आशिष भाऊ कावटवार यांनी दिली आहे. दोषी आढळलेल्या व्यक्तींवर कठोर कारवाई करून फौजदारी गुन्हा दाखल करण्यात यावा या मागणीसाठी 12 मार्च रोजी नगरपंचायत भवनावर भव्य मोर्चाचे आयोजन करण्यात आले असल्याची माहितीही त्यांनी यावेळी दिली.

      उद्या दिनांक 10 मार्च रोजी व्हीआयपी विश्रामगृह पोंभुर्णा येथे एक वाजता सदर विषयावर पत्रकार परिषद घेण्यात येणार असून पत्रकार परिषदेला सर्व पत्रकार बांधवांनी उपस्थित राहण्याचे आवाहन आशिष भाऊ कावटवार यांनी केले आहे.