*💥 देवाडा बुज.सेवा सहकारी संस्थेच्या अध्यक्षपदी रवी भाऊ मरपल्लीवार यांची फेरनिवड* *🏀 तीन पंचवार्षिक या संस्थेवर एक हाती सत्ता*

पोंभुर्णा तालुका प्रतिनिधी

      तालुक्यातील देवाडा बुज. येथील सेवा सहकारी संस्थेच्या अध्यक्ष - उपाध्यक्ष पदाची निवडणूक प्रक्रिया नुकतीच पार पडली. या निवडणुकीत घोसरी चे माजी सरपंच व तालुका काँग्रेसचे महासचिव रविभाऊ मरपल्लीवार यांची अध्यक्षपदी अविरोध फेरनिवड करण्यात आली. तर उपाध्यक्ष पदी पांडुरंग लहुजी पाल यांची निवड झाली.

       रवींद्र भाऊ मरपल्लीवाऱ यांच्या गटाचे 13 पैकी 13 उमेदवार अविरोध निवडून आले होते. त्यानंतर अध्यक्ष व उपाध्यक्ष पदाच्या निवडणूक प्रक्रियेला काल दिनांक 20 मे रोजी सुरुवात करण्यात आली. यावेळी अध्यक्षपदासाठी रवींद्र भाऊ मरपल्ली वार आणि उपाध्यक्ष पदासाठी पांडुरंग लहुजी पाल यांचे एकमेव अर्ज असल्याने निवडणूक निर्णय अधिकाऱ्यांनी दोघांचीही अविरोध निवड झाल्याचे जाहीर केले.

       मागील पंधरा वर्षापासून देवाळा बुजरूक सेवा सहकारी संस्थेवर रवींद्र भाऊ मरपल्लीवाऱ यांच्या गटाचे प्रभुत्व आहे, हे येथे विशेष उल्लेखनीय. त्यांच्या निवडीबद्दल त्यांच्या चाहत्यांनी त्यांचेवर अभिनंदनाचा वर्षाव केला आहे.