*🎟️जुनगाव येथील वैनगंगा नदीवर होणार 94 कोटी रुपयाच्या पुल!* *🎏आमदार सुधीर मुनगंटीवार यांची केंद्रीय मंत्री नितिन गडकरी यांचेशी हितगुज*

पोंभुर्णा: तालुका प्रतिनिधी

पोंभूर्णा तालुक्यातील अगदी शेवटच्या टोकावर व चंद्रपूर आणि गडचिरोली जिल्ह्याच्या सीमेवर, वैनगंगा नदीच्या विळख्यात वसलेल्या जुनगाव येथील वैनगंगा नदीच्या मोठ्या पात्रावर 94 कोटी रुपये किमतीचा पूल होणार असून त्याबाबत केंद्रीय मंत्री नितीन गडकरी यांचेशी आमदार सुधीर मुनगंटीवार यांची चर्चा सुरू असून लवकरच या पुलाला मंजुरी मिळेल, असा विश्वास लोक लेखा समिती प्रमुख, आमदार सुधीर मुनगंटीवार यांनी व्यक्त केला आहे.जुनगाव येथील एका शिष्टमंडळाला त्यांनी ही माहिती दिली.

    या पुलाच्या निर्मितीमुळे चंद्रपूर-गडचिरोली, पोंभूर्णा- चामोर्शी हे अंतर अत्यंत कमी होणार असून, थेट पोंभुर्णा ते चामोर्शी अशी रहदारी सुरू होणार असल्यामुळे दोन्ही तालुक्यातील व जिल्ह्यातील नागरिकांनी आनंद व्यक्त केला आहे.

      या पुलाच्या निर्मितीसाठी अनेक ग्रामपंचायतीचे ठराव शासनाकडे पाठविण्यात आले. या कार्यात जुनगाव येथील विद्यमान उपसरपंच श्री राहुल भाऊ पाल यांचा सिंहाचा वाटा असून त्यांच्या अथक पाठपुराव्यामुळेच हे यश संपादन झाले आहे. त्याचबरोबर ग्रामपंचायत सदस्य विश्वेश्वर भाकरे, तंटामुक्ती अध्यक्ष गजानन यलपुलवार, माजी सरपंच जीवनदास गेडाम, ग्रामपंचायत सदस्य तेजपाल रंगारी, शाळा व्यवस्थापन समिती अध्यक्ष खुषाल भोयर व गावकऱ्यांनी मोलाचे सहकार्य केले.