💥वैनगंगा नदीत बुडून अकरा वर्षीय मुलाचा मृत्यू* *🏀 विदर्भाची काशी मार्कंडा देव येथील घटना

सुखसागर झाडे, चामोर्शी

गडचिरोली जिल्ह्यातील विदर्भाची काशी म्हणून ओळखल्या जाणाऱ्या मार्कंडादेव येथे देवदर्शनासाठी कुटुंबासोबत गेलेल्या एका अकरा वर्षीय मुलाचा वैनगंगा नदीत बुडून मृत्यू झाल्याची दुर्दैवी घटना रविवारी दुपारी बारा वाजता चे सुमारास घडली.

       अश्विन प्रदीप भांडेकर राहणार रामपुरी वार्ड गडचिरोली असे मृत मुलाचे नाव आहे. प्राप्त माहितीनुसार भांडेकर कुटुंब मार्कंडादेव येथे देवदर्शनासाठी गेले होते. दरम्यान देव दर्शन केल्यानंतर कुटुंबातील काही सदस्य नदीपात्रात अंघोळी करिता गेले असता यावेळी अश्विन सुद्धा नदीच्या पाण्यात उतरला. मात्र त्याला पाण्याचा अंदाज न आल्याने तो पाण्यात बुडाला व त्याचा मृत्यू झाला. या घटनेमुळे परिसरात सर्वत्र हळहळ व्यक्त होत असून भांडेकर कुटुंबीयांवर दुःखाचा डोंगर कोसळला आहे.