*🏀आजादी का अमृत महोत्सव निमित्त पोंभूर्णा येथे भव्य आरोग्य मेळाव्याचे आयोजन* *🏀 खासदार व आमदार राहणार उपस्थित: लाभ घेण्याचे आरोग्य अधिकारी यांचे आवाहन*

*🏀आजादी का अमृत महोत्सव निमित्त पोंभूर्णा येथे भव्य आरोग्य मेळाव्याचे आयोजन*

*🏀 खासदार व आमदार राहणार उपस्थित: लाभ घेण्याचे आरोग्य अधिकारी यांचे आवाहन*

पोंभुर्णा तालुका प्रतिनिधी

      पोंभूर्णा तालुक्यातील जनतेला विशेष तज्ञांच्या वैद्यकीय सेवा उपलब्ध करून देण्यासाठी आजादी का अमृत महोत्सव निमित्त आरोग्य विभागाच्या वतीने दिनांक 25 एप्रिल 2022 रोजी पोंभुर्णा येथे भव्य आरोग्य मेळाव्याचे आयोजन करण्यात आले आहे.

       या मेळाव्याचे उद्घाटन खासदार बाळु भाऊ धानोरकर यांच्या हस्ते होणार असून मेळाव्याच्या अध्यक्षस्थानी लोकलेखा समितीचे प्रमुख माजी अर्थमंत्री बल्लारपूर विधानसभा क्षेत्राचे आमदार सुधीर मुनगंटीवार हे राहणार आहेत. मेळाव्याला विशेष अतिथी म्हणून पोंभुर्णा च्या नगराध्यक्ष सौ सुलभाताई पिपरे या उपस्थित राहणार आहेत. तर प्रमुख पाहुणे म्हणून तहसीलदार शुभांगी कनवाडे, संवर्ग विकास अधिकारी श्री धनंजय साळवे, मुख्याधिकारी नगर परिषद विजयकुमार सरनाईक, बाल विकास प्रकल्प अधिकारी अमित लाडे, पोलीस निरीक्षक धर्मेंद्र जोशी इत्यादी मान्यवर राहणार आहेत.

       या आरोग्य मेळाव्याचा जास्तीत जास्त नागरिकांनी लाभ घ्यावा असे आवाहन जिल्हा आरोग्य अधिकारी डॉक्टर राजकुमार गहलोत, जिल्हा शल्य चिकित्सक डॉक्टर निवृत्ती राठोड, निवासी वैद्यकीय अधिकारी डॉक्टर हेमंत कन्नाके, तालुका आरोग्य अधिकारी डॉक्टर संदेश मामीडवार, वैद्यकीय अधिकारी पोंभुर्णा डॉक्टर अनिकेत गेडाम, वैद्यकीय अधिकारी नवेगाव मोरे डॉक्टर मीनल पद्मगिरवार यांनी केले आहे.