*💥पेट्रोल पंप चालकांचा पेट्रोल,डिझेल खरेदी न करण्याचा निर्णय; पेट्रोल पंप मात्र सुरु राहणार, असोसिएशनचं स्पष्टीकरण*

जनवार्ता भारत डॉट कॉम

मुंबई: आज ऑल इंडिया पेट्रोल पंप असोसिएशन केंद्र सरकारचा निषेध नोंदवणार असून पेट्रोल पंप डीलर्स आज पेट्रोल-डिझेलची खरेदी तेल कंपन्यांकडून करणार नाही. देशभरातील इंधन दराच्या मुद्यावरून पेट्रोल पंप चालक-मालकांनी हा निर्णय घेतला असून पेट्रोल पंप मात्र सुस्थितीत सुरु राहणार आहेत, त्यामुळे पेट्रोल-डिझेलची विक्री पंपांवर सुरुच राहणार असल्याची माहिती मिळत आहे. त्यामुळे याचा फटका वाहनचालकांना तरी बसणार नाही यावरून स्पष्ट होते

वाहनचालकांना फटका बसणार?

आज जरी पेट्रोल पंप चालकांची खरेदी बंद असली तरी पेट्रोल पंप सुरु राहणार असल्यामुळे नागरिकांना काळजी करण्याची गरज नाही, कारण त्यांना नियमित इंधन मिळणार आहे, त्यामुळे ग्राहकांना कोणताही फटका बसणार नसल्याचं असोसिएशनकडून स्पष्टीकरण देण्यात आलं आहे. दरम्यान, देशभरातील पेट्रोल - डिझेल चालक मालकांनी घेतलेल्या या निर्णयामुळे सर्वसामान्यांना फटका बसणार त्याचं काय? असा सवाल मागील आठवड्यातच 'एबीपी माझा'नं 'फामपेडा'चे अध्यक्ष उदय लोध यांना केला. त्यावेळी बोलताना लोध यांनी 'सर्वसामान्यांना कोणत्याही प्रकारे याचा फटका बसणार नाही. प्रवाशांना त्रास होणार नाही याची खबरदारी आम्ही घेतली आहे. त्यामुळे 31 मे रोजी आम्ही पेट्रोल-डिझेलची खरेदी करणार नाहीत याचा अर्थ सामान्यांना मात्र इंधन मिळणार आहे. त्याची खबरदारी आम्ही घेतली आहे किंवा त्याबाबतच नियोजन करूनच हा निर्णय घेतल्याचं देखील लोध यांनी स्पष्ट केलं आहे. त्यामुळे नो पर्चेसचा कोणताही फटका सामान्यांना बसणार नाही असेही त्यांनी म्हटले. वर्ष 2017 पासूनचं सारं गणित समजून घेतल्यास याबाबतचा सर्व तपशील ध्यानात येईल' अशी प्रतिक्रिया दिली होती.