*💥 पोलिसांच्या सतर्कतेने आत्महत्या करू पाहणाऱ्या तरुणीचे प्राण वाचले* *🏀 प्रेमप्रकरणातील नैराश्‍यातून आत्महत्येचा प्रयत्न*

___________________________

चंद्रपूर जिल्हा प्रतिनिधी

      प्रेमप्रकरणातील नैराशेतून ऑल आउट लिक्विड पिऊन आत्महत्या करण्याचा प्रयत्न करणाऱ्या युवतीला राम नगर पोलिस ठाण्याच्या पोलिसांनी सतर्कता दाखवून तात्काळ जिल्हा सामान्य रुग्णालयात भरती करून तिचे प्राण वाचवले.

        चंद्रपूर येथील अंदाजे 21 वर्षीय मुलीने प्रेमप्रकरणातून ऑल आउट लिक्विड घेऊन आत्महत्या करण्याचा प्रयत्न केला अशा प्रकारची 112 या क्रमांकावर माहिती मिळाली. माहिती प्राप्त होताच रामनगर पोलीस ठाण्याचे पोलीस अमलदार परवेश पठाण व मंगेश सायंकार यांना मोबाईल टेब माहिती देऊन तात्काळ घटनास्थळावर पाठविण्यात आले. घटनास्थळ दाटताच पोलिसांनी औषधी पिलेल्या मुलीला आपल्या दुचाकीवर बसवून जिल्हा सामान्य रुग्णालयात भरती केले. पोलिसांच्या या सतर्कतेमुळे या तरुणीचे प्राण वाचल्यामुळे चंद्रपूर पोलिसांचे कौतुक करण्यात येत आहे.